Til að efla lýðræðisvitund ungs fólks og hvetja það til að kjósa eftir upplýstri ákvörðun í komandi sveitarstjórnarkosningum eru allir framhaldsskólar hvattir til þess að taka þátt. Sú þátttaka felst í að halda lýðræðisviku 9.-12. apríl sem endar á skuggakosningum fimmtudaginn 12. apríl.

Skipulagning og framkvæmd skuggakosninga er í höndum nemenda eða félaga innan skólans (t.d. málfundar-, nemendafélög eða aðrir hópar) með aðstoð kennara. Með því að smella á skuggakosningar hér fyrir ofan má finna handbók um framkvæmd skuggakosninga, kosningalög og kjörbók.