Sjálfstæðisflokkurinn hefur ekki mótað stefnuskrá fyrir komandi kosningabaráttu í Hafnarfirði.
Sjálfstæðisflokkurinn byggir stefnu sína á mannréttindum, jafnræði, frelsi og ábyrgð einstaklingsins. Sjálfstæðisflokkurinn vill tryggja jöfn tækifæri allra og fjárhagslegt sjálfstæði einstaklinga sem er grundvöllur jafnréttis.
Við viljum auka framboð lóða og lækka gjaldtöku á nýbyggingar.
Við höfum í meirihluta bæjarstjórnar lengt opnunartíma sundlauga Hafnarfjarðar og vonumst til að það falli í kramið hjá bæjarbúum.
Við komum á næturstrætó um helgar í samstarfi við sveitarfélögin á höfuðborgarsvæðinu og Strætó og erum mjög ánægð með hann.
Við höfnum hvers kyns ofbeldi. Við munum leggja aukna áherslu á forvarnir, stuðning við félagasamtök og stofnanir sem að vinna gegn ofbeldi.
Við munum halda áfram að stuðla að betur reknum Hafnarfjarðarbæ og halda áfram að lækka útsvar bæjarins.
