//

  • Lýðræðisleikir

    Leysið lýðræðisverkefni í skólastofunni.

  • Heimsókn frá flokkunum

    Fáið fulltrúa flokkanna í heimsókn til að kynna stefnumálin.

  • Skuggakosningar

    Haldið skuggakosningar og kannið afstöðu nemendanna.

Lýðræðisvika framhaldsskólanna

Lýðræðisvikan fer fram í framhaldsskólum landsins vikuna 6.-9. september. Þá eru kennarar hvattir til að leggja fyrir lýðræðistengd verkefni og stuðla að stjórnmálaumræðu í kennslustundum. Lýðræðisvikan endar á skuggakosningum og eru nemendur hvattir til að taka upplýsta ákvörðun áður en gengið er til atkvæðagreiðslu. Nemendur geta kynnt sér stefnumál flokkanna og hvað þeir hyggjast gera í málefnum ungs fólks undir „Framboðin“. Nemendur eru hvattir til að bjóða flokkunum í heimsókn og skipuleggja t.d. málfund eða pallborðsumræður.

Gert er ráð fyrir að hver þátttökuskóli skipuleggi og útfæri sína lýðræðisviku eftir aðstæðum, getu og nemendafjölda. Hér að neðan eru dæmi/leiðbeiningar um það sem hægt er að gera.

Lýðræðisleikir

Lýðræði á sér margar birtingarmyndir og einskorðast alls ekki við flokkapólitík og formlegar kosningar. Lýðræðislegar aðferðir eiga allsstaðar við, t.d. í kennslustofunni, í félagslífinu og á heimilinu.

Hér að neðan er að finna leiki og æfingar sem hægt er að nota í kennslustundum.

Gagnabanki

Vefsíðu þessari er ætlað að virka sem gagnabanki fyrir lýðræðisfræðslu. Hafi skólar þegar kennsluefni sem hefur reynst vel eða einhverjar hugmyndir að lýðræðisverkefnum eru þeir hvattir til að framkvæma og deila með öðrum. Til þess getið þið sent verkefnin á egkys@neminn.is og verkefnið verður birt hér að neðan. Tekið verður fram frá hvaða skóla framlagið kemur.

Að koma fram

Æfing í því að koma fram og taka uppbyggilegri gagnrýni á það sem betur mætti fara.

Lestu meira

Að hlusta á aðra

Æfing þar sem nemendur sýna virka hlustun.

Lestu meira

Málamiðlun og samkomulag

Þátttakendur taka ákvörðun með því að miðla málum.

Lestu meira

Spurningabingó

Bingó er skemmtileg leið til að ræða leiðir til áhrifa.

Lestu meira

Að færa rök fyrir máli sínu

Leikur þar sem þátttakendur þurfa að finna rök með og á móti, óháð eigin skoðunum

Lestu meira

Ég get haft áhrif

Þátttakendur fá hugmyndir um það sem þeir geta gert til að hafa áhrif á samfélagið, ásamt því að deila því sem þeir eiga sameiginlegt.

Lestu meira

Að hugsa sjálfstætt

Þessi æfing er góð til þess að vekja ungt fólk til umhugsunar um eigin tilveru, út frá þeim margvíslegu áhrifum sem þau geta haft á umhverfi sitt.

Lestu meira

Lýðræðisvitinn

Í Lýðræðisvitanum er fjallað um hverjir eru grunnþættir lýðræðis, af hverju er mikilvægt að standa vörð um grunnstoðir lýðræðis og hvað við getum gert sem almennir borgarar til að hafa áhrif.

Lestu meira

Heimsóknir frá fulltrúum flokkanna

Við erum svo heppin að Ísland er lítið land með stuttar boðleiðir. Ólíkt öðrum löndum þá er auðvelt að komast í beint samband við stjórnvöld og ræða beint við fólkið sem sækist eftir völdum.

Nemendafélög framhaldsskólanna eru hvött til að bjóða frambjóðendum í heimsókn í skólann, þar sem nemendur geta rætt við þá, spurt spurninga og komið sínum hugmyndum á framfæri.

Hér má finna þrjár mismunandi tillögur að framkvæmd heimsóknar fulltrúa flokkanna.

Pólitík í hléinu

Fulltrúar flokkanna fá hver sinn bás og spjalla við nemendur.

Lestu meira

Pólitík í pallborði

Fulltrúar flokkanna kynna stefnu flokksins síns á sal skólans.

Lestu meira

Pólitík í skólann

Nemendur flakka á milli skólastofa og hlýða á kynningar flokkanna.

Lestu meira

Skuggakosningar

Lýðræðisvikunni lýkur með skuggakosningu, þar sem nemendur skólans kjósa á milli þeirra flokka sem hyggjast bjóða fram til Alþingis, í því kjördæmi sem skólinn er staðsettur.

Skuggakosningar verða haldnar í framhaldsskólum þann 9. september en niðurstöður þeirra verða ekki gerðar opinberar fyrr en öllum kjörstöðum hefur verið lokað á kjördag alþingiskosninga þann 25. september.

Nánar um framkvæmd skuggakosninga